TIRANË- Një ngjarje e rëndë u regjistrua mbrëmjen e sotme rreth orës 21:20 në Komisariatin numër 3 të Tiranës, ‘Mine Peza’.
Burimet bënë me dije se 25-vjeçari Ludian Zaimi, ka qëlluar për vdekje plot 6 herë ndaj kolegut të tij Çaush Saliasi, 55 vjeç.
Raportohet se ngjarja ndodhi për motive të dobëta dhe thuhet se shkak është bërë bullizimi i viktimës ndaj të riut.
Ludian Zaimi kishte rreth 1 vit e gjysmë pjesë e Komisariatit ndërsa Çaush Saliasi, ishte polic karriere dhe kishte 20 vite që punonte në këtë institucion.
Gazeta Shqiptare siguron foton e autorit i cili qëllua 6 herë ndaj Çaush Saliasit!
Në vendin e ngjarjes mbërritën ekspertë të Agjencisë së mbikëqyrjes policore që po kryen hetimet si dhe ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike. I pranishëm ishte edhe drejtori i Policisë së Shtetit Gledis Nano.
